Suraxanı bazarının ərazisində iri həcmli tikinti işləri aparılır.

Ekomuhit.org xəbər verir ki, müraciət edən Suraxanı rayonunun Əmircən qəsəbəsinin sakinləri iddia edirlər ki, bazara bitişik ərazidə əvvəllər anbar yerləşib. Həmin ərazi təmizləndikdən sonra burada yeni tikili inşa edilməyə başlanıb. Sakinlərin sözlərinə görə, tikinti işləri gediş-gəlişə çətinlik yaradır və piyada səkilərinin bir hissəsi zəbt olunur. Ərazidə fəaliyyət göstərən satıcılar da tikilinin bazar ərazisinə aid olduğunu təsdiqləyiblər. Onların sözlərinə görə, tikintiyə bir neçə il əvvəl başlanılıb, lakin 2024-cü ildə işlər dayandırılıb. "Suraxanıbazar" ASC-nin nümayəndəsi isə bildirib ki, sözügedən tikintinin aparılması 2024-cü ildə müvafiq icazə sənədləri olmadığı üçün dayandırılmışdı. Hazırda isə sənədlər aidiyyəti qurumlarla razılaşdırılıb və tikinti işlərinin davam etdirilməsi üçün zəruri prosedurlar yerinə yetirilib.

Trend-in yerli müxbirinin verdiyi məlumata görə, hadisə rayonun İmamqulubəyli kəndində qeydə alınıb. Kənd sakini Murad Mustafayevə məxsus fərdi təsərrüfata gecə saatlarında canavarlar hücum edib.

Hücum nəticəsində təsərrüfatdakı təxminən 50-yə yaxın xırdabuynuzlu heyvanın tələf olduğu bildirilir.

Xırdalan şəhəri Həsən Əliyev küçəsində yol örtüyünün bərbad vəziyyətdə olması sürücülərə çətin anlar yaşadır.

ekomuhit.org xəbər verir ki, sakinlərin sözlərinə görə, havaların normal keçməsinə baxmayaraq yol daim suyun içindədir.

Sürücülər isə yoldan keçməkdə böyük çətinliklə üzləşirlər.

“Qoxudan ərazidə dayanmaq mümkün deyil. Yolların bu vəziyyətdə olması hər dəfə avtomobillərimizə ciddi ziyan vurur. Dərdimizi kimə deyəcəyimizi bilmirik. Yağış yağsa da, yağmasa da, yol hər zaman belədir. İndi yağış yağmır, bu 100 faiz kanalizasiyanın suyudur. İyindən də görürsünüz”, – deyə sakinlərdən biri narazılığını ifadə edib.

“Vəziyyət çox bərbaddır. Hər gün eyni mənzərə ilə qarşılaşırıq. Tıxacın sonu görünmür, hər kəs dayanıb gözləyir, amma problemlə maraqlanan, yolu düzəldən yoxdur. Biz nə vaxta qədər belə yaşamalıyıq?! Artıq bu vəziyyətdən bezmişik”, - digər bir vətəndaş bildirib.

Abşeron Rayon İcra Hakimiyyətinin Xırdalan şəhər inzibati ərazi dairəsi üzrə nümayəndəliyindən bildirilib ki, sözügedən küçədə bu ilin əvvəlində cari təmir işləri həyata keçirilib:

“Lakin yağan sonuncu intensiv yağışlardan sonra həmin küçənin bir neçə yerindən qrunt sularının aktiv şəkildə fəallaşması müşahidə olunub. Bu səbəbdən də küçənin müəyyən hissələrində yol qatının yuyulması baş verib, ərazidə müxtəlifölçülü kiçik çalalar əmələ gəlib. Bu barədə aidiyyəti quruma məlumat verilib və yaxın günlərdə işlər başlayacaq”.

Nümayəndəlikdən o da qeyd olunub ki, Azərbaycan Avtomobil Yolları Dövlət Agentliyi tərəfindən Bilgəh–Novxanı–Sumqayıt yolu istiqamətində tikilən avtomobil yolunun tərkib hissəsi olan Pirşağı–Novxanı–Xırdalan–M4 avtomobil yolunun tikintisi də davam edir:

“Həsən Əliyev küçəsi də bu layihəyə daxildir. Ona görə sözügedən küçənin əsaslı təmiri məqsədəuyğun hesab olunmur. Belə ki, 2026–2027-ci illər ərzində həmin yolun yeni, müasir standartlara uyğun formada sakinlərin istifadəsinə verilməsi nəzərdə tutulub. Buna baxmayaraq, yaxın günlərdə Həsən Əliyev küçəsində yenidən cari təmir işləri aparılacaq”.

Daha ətraflı “Baku TV”nin süjetində:

Yaşadığı problemlə bağlı Səbail rayon sakini Tarix Məmmədov Avtosfer.az-a şikayət edib və bildirib ki, dəfələrlə aidiyyəti üzrə şikayət etməsinə baxmayaraq, qurumlardan hansısa reaksiya görə bilməyib.

Şikayətçi Tarix Məmmədov bildirir ki, rayonun Səbail küçəsi giriş 121 ünvanında yerləşən 2,28 sot torpaq sahəsini alqı-satqı müqaviləsi əsasında qanuni yolla əldə edib. Həmin torpaq sahəsi üzərində daha əvvəl inventarlaşdırma aparıldığına görə təkrar texniki inventarlaşdırma xidməti ilə bağlı ona 1020,00 (min iyirmi) AZN məbləğində xidmət haqqı təqdim edilmişdir. Vətəndaş qurumun ona təyin etdiyi məbləğlə razılaşmadığını və qanunvericiliklə müəyyən edilən tarifdən yuxarı olduğunu vurğulayıb. Belə ki, Azərbaycan Respublikası Tarif (Qiymət) Şurasının 2023-cü il 31 iyul tarixli 5 nömrəli Qərarı ilə təsdiq edilmiş "Daşınmaz əmlakın qeydiyyatı, texniki inventarlaşdırılması və kadastrı xidmətlərinin tarifləri"nin 3-cü bəndinə əsasən, təkrar texniki inventarlaşdırma xidmət haqqı I bölmənin 1 və 2-ci bəndlərinin tarifinə 0,2 əmsalı tətbiq edilməklə, lakin minimum məbləğ 30,00 manatdan az olmamaqla hesablanır. Yəni, 2,28 sot torpaq üçün ödənilməli olan məbləğlə 6 sot torpaq üçün ödənilməli olan məbləğ arasında fərq kəskin olmalıdır.

Hesablama:

— 2,28 sot = 0,0228 ha (0,06 ha-dan azdır)

— Əsas tarif (bənd 2.2.1): 200,00 AZN;

— 0,2 əmsalı tətbiq edilməklə: 200,00 × 0,2 = 40,00 AZN;

— Minimum hədd (30,00 AZN) aşıldığından: 40,00 AZN;

— Qanuni xidmət haqqı: 40,00 AZN.

Tarix Məmmədov qeyd edib ki, təqdim edilən 1020,00 AZN məbləği isə qanunla müəyyən edilmiş tarifdən 980,00 AZN artıqdır və heç bir hüquqi əsası yoxdur.

Şikayətçi ona təqdim edilmiş 1020,00 AZN məbləğli xidmət haqqının qanuni əsasının yazılı şəkildə izah edilməsi, artıq yazılmış məbləğin (980,00 AZN) qanunvericiliyə uyğun olaraq ləğv olunması, bu halla bağlı məsuliyyətli şəxslər barəsində müvafiq intizam tədbirinin görülməsini tələb edir.

Məsələ ilə bağlı Əmlak Məsələləri üzrə Dövlət Xidmətinə sorğu ünvanlasaq da, qurumdan sorğumuza hələ də reaksiya verilməyib.

Avtosfer.az oxu.az-a istinadən xəbər verir ki, bununla bağlı videogörüntü paylaşılıb.

Qeyd olunub ki, şəhərin Həsən Əliyev küçəsində, "Balaca kruq" adlanan ərazidə yol aylardır acınacaqlı vəziyyətdədir.

"Xüsusilə yağışlı havalarda ərazidə su toplanır və iri çala-çuxurlar görünməz olur. Dəfələrlə minik avtomobilləri və avtobuslar həmin çuxurlara düşüblər və nəqliyyat vasitələri ciddi ziyan görüb. Ərazidə alternativ yol da yoxdur ki, ondan istifadə edək", - deyə şikayətdə bildirilib.

Xırdalan şəhər inzibati ərazi dairəsi üzrə nümayəndəlikdən bildirilib ki, Həsən Əliyev küçəsində bu ilin əvvəlində cari təmir işləri həyata keçirilib:

"Lakin yağan intensiv yağışlardan sonra həmin küçənin bir neçə yerində qrunt sularının aktiv şəkildə toplanması müşahidə olunur. Bu səbəbdən də müəyyən hissələrdə yol qatının yuyulması baş verib, müxtəlif ölçülü çalalar əmələ gəlib. Tərəfimizdən bu barədə aidiyyatı quruma məlumat verilib və onlar qrunt sularının səthinin dəyişdirilməsi istiqamətində yaxın günlərdə işlərə başlayacaqlar.

Məlumat üçün bildirmək istərdik ki, Azərbaycan Respublikası Prezidentinin müvafiq sərəncamına əsasən, Azərbaycan Avtomobil Yolları Dövlət Agentliyi tərəfindən Bilgəh qəsəbəsi-Novxanı-Sumqayıt istiqamətində tikilən avtomobil yolunun tərkib hissəsi olan Pirşağı-Novxanı-Xırdalan-M4 avtomobil yolunun tikintisi davam edir. Akademik Həsən Əliyev küçəsi də bu layihəyə daxildir. Belə ki, 1b texniki dərəcəyə uyğun olaraq inşa edilən avtomobil yolunun uzunluğu 28 km, hərəkət hissəsinin eni 22.5 m, ayrıcı zolağın eni 4 m, hərəkət zolaqlarının sayı 6-dır.

Layihə üzrə müxtəlif (əsasən boş) ərazilərdə hissə-hissə aparılan tikinti işləri "İnşaat Norma və Qaydaları"na əsasən, texnoloji ardıcıllığa uyğun olaraq Azərbaycan Avtomobil Yolları Dövlət Agentliyi tərəfindən keyfiyyətlə icra olunur.

Bu layihə həyata keçirildiyi üçün sözügedən küçənin əsaslı təmiri məqsədə müvafiq hesab olunmur. Belə ki, 2026-2027-ci illər ərzində həmin yolun yeni, müasir standartlara uyğun formada istifadəyə verilməsi nəzərdə tutulub. Buna baxmayaraq yaxın günlərdə Xırdalan şəhər inzibati ərazi dairəsi üzrə nümayəndəliyi tərəfindən akademik Həsən Əliyev küçəsində yenidən cari təmir işləri aparılacaq", - deyə açıqlamada vurğulanıb.

Sumqayıt şəhərində Bulvar ərazisində ağacların kəsildiyi və həmin ərazidə tikinti işlərinin aparıldığı iddia olunur.

ekomuhit.org Avtosfer.az-a istinadən xəbər verir ki, bununla bağlı sakinlər narazılıqlarını ifadə edərək məsələni ictimailəşdirməyi xahiş ediblər. İddialara görə, “Levent” yaşayış kompleksi ilə üzbəüz yerləşən ərazidə ağaclar qırılıb və yerində obyekt tikintisinə başlanılıb.

Sakinlərin sözlərinə görə, son günlər əraziyə xüsusi texnikalar cəlb olunub və müəyyən ağaclar ərazidən götürülüb. Onlar hesab edirlər ki, Bulvar ərazisində yaşıllıq sahələrinin azalması ekoloji baxımdan ciddi narahatlıq yaradır.

Vətəndaşlar aidiyyəti qurumların məsələni araşdırmasını, tikinti işlərinin qanunvericiliyin tələblərinə uyğun aparılıb-aparılmadığına aydınlıq gətirilməsini istəyirlər.

Avtosfer.az-ın əldə etdiyi məlumata görə, Sumqayıt Bulvarı ərazisində ağacların kəsilməsi və tikinti işləri ilə bağlı sosial şəbəkələrdə yayılan məlumat araşdırılıb. Məlum olub ki, ərazi iaşə obyektinin tikintisi üçün icarəyə verilib.

2025-ci ilin sentyabr ayında keçirilən yoxlama zamanı ağac və kolların kəsildiyi aşkarlanıb. Faktla bağlı inzibati protokol tərtib olunaraq təqsirkar şəxs 10 min manat cərimə edilib. Təbiətə 4320 manat məbləğində ziyan dəydiyi müəyyən olunub.

ekomuhit.org xəbər verir ki, Baku TV məsələni araşdırmaq üçün sözügedən ərazidə olub. Yerli sakinlərdən biri ərazidə əvvəl çoxlu ağacların olduğunu, hazırda isə 200-250 ağacın kəsildiyini bildirib.

Digər sakin isə ağacların kəsilmədiyini, onların başqa əraziyə köçürüləcəyini ehtimal etdiyini bildirib.

Məsələ ilə bağlı Avtomobil Yolları Dövlət Agentliyindən bildirilib ki, Abşeron yarımadasının nəqliyyat xəritəsini dəyişəcək mühüm yol layihəsinin icrası davam edir.

Qurumun açıqlamasında qeyd edilib ki, yeni yolun inşası "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" çərçivəsində Pirşağı-Novxanı-Xırdalan-M4 avtomobil yolunun tikintisi layihəsinə uyğun olaraq aparılır.

Vurğulanıb ki, yol infrastrukturunun tikintisi zamanı ağacların kəsilməsi və ya köçürülməsi yalnız zəruri hallarda, ekoloji tələblər nəzərə alınmaqla həyata keçirilir. Layihə çərçivəsində mümkün qədər ağacların qorunmasına üstünlük verilir, köçürülməsi mümkün olan ağaclar yeni ərazilərə transplantasiya edilir.