Maştağada "toxunulmaz" Faiqin Tikinti Özbaşınalığı - “yaşayış evi” adı altında tikilən obyektə icra başçısı nədən göz yumur?/VİDEO

Əgər ortada rəsmi icazə yoxdursa, deməli burada ya qanun açıq şəkildə pozulur, ya da hansısa “toxunulmaz əl” prosesə himayədarlıq edir. Çünki adi vətəndaş həyətində bir daş qoyanda qarşısına çıxan qurumlar, görünür, iri tikinti məsələsində müəmmalı şəkildə susmağa üstünlük verir.

Bu gün Maştağada baş verən qanunsuz tikinti fəaliyyəti, sabah başqa ərazilərdə daha təhlükəli nəticələrə səbəb ola bilər. Çünki qanunsuz tikinti sadəcə beton və daş deyil — bu, insanların təhlükəsizliyinə, şəhərsalma normalarına və dövlət qanunlarına açıq hörmətsizlikdir.Ən acınacaqlısı isə odur ki, bəzi hallarda qanunsuz tikintilər illərlə göz görə-görə davam edir, sonda isə “qanuniləşdirilir”. Belə olan halda vətəndaşda haqlı sual yaranır: qanun sadəcə kasıblar üçünmü işləyir? Redaksiyamıza daxil olan məlumata görə, tikinti işlərini Faiq adlı sahibkar həyata keçirir.